Prosymy wo informaciju, hdyž smě so poskitk zaso šmórnyć
(zapodar a čisło poskitka), e-mail: knobloch-domowina@sorben.com

Wupisanje

W Domowinskim zarjedźe w Budyšinje ma so wot 1. junija 2012 na wobmjezowany čas hač do 31.12.2013 městno wěcywobdźěłarki/wěcywobdźěłarja wobsadźić.

Dźěłowe nadawki su:

• dokumentacija lětnych projektow, kiž Vattenfall spěchuje
• zhromadne dźěło z regionalnymaj běrowomaj Slepo a Choćebuz, towarstwami a projektowymi nošerjemi
• wobdźěłanje a přełožowanje tekstow
• zestajenje nowinskeho špihela
• zestajenje měsačneje terminoweje protyki
• zestajenje a sobudźěło na wudawanju info-materialijow
• zastupowanje w sekretariaće

Wuměnjenje za přistajenje/wosobinske kmanosće:

• wuběrne znajomosće serbskeje a němskeje rěče
• nadměru hibićiwosć, fleksibelnosć a wotewrjenosć
• wobknježenje wšelakorych computerowych programow
• angažement w Domowinje
• wotzamknjene powołanje jako překupc/překupča za běrowowu komunikaciju abo podobne.

Mzda płaći so po TV-L, słužbne městno je Budyšin.

Žony su wuraznje namołwjene so zamołwić. Na zamołwjenje ćežkozbrašenych so při jenakej kmanosći najprjedy dźiwa.

Zajimcy njech zapodadźa pisomnu próstwu z wotpowědnymi podłožkami hač do
18. meje 2012 na zarjad Domowiny – Zwjazk Łužiskich Serbow z. t., Póstowe naměsto 2, 02625 Budyšin.