11. 7. 2008

Domowina wita lěpši škit mjeńšinowych rěčow

Předsyda Domowiny Jan Nuk wita wuraznje žadanje Europskeje rady, zo měli so mjeńšinowe rěče w Němskej, mjez druhim serbšćina, zakonsce lěpje škitać a sylnišo spěchować. Europska rada bě Zwjazkowu republiku štwórtk w Straßburgu napominała, so dale a bóle pozhubjowace rěče – k nim słuša tež serbšćina – mjez druhim při šulskej wučbje spěchować. „Wjeselu so jara přez tute wuprajenje, kiž kryje so z našimi wospjet deklarowanymi žadanjemi, zo bychu Serbja měli wjace móžnosćow sobupostajowanja w šulstwje. Trjebamy serbske šule za posrědkowanje našeje maćeršćiny našim dźěćom a wnučkam, a trjebamy je tam, hdźež serbske swójby a ći, kiž
chcedźa našu rěč nawuknyć, bydla. Jenož tak změje naša maćeršćina
přichod.“

Borbora Felberowa