Budyšin/Bautzen, dnja 25.06.2008

Přeprošenje na nowinarsku rozmołwu

Pjatk, dnja 27. junija, wopyta sakski nutřkowny minister dr. Albrecht Buttolo Domowinu. Wón slěduje přeprošenje předsydy Domowiny Jana Nuka.
Předwidźana je rozmołwa na temy

• kak hodźi so pohonjeć do sylnišeho nałožowanje serbskeje rěče w zjawnej słužbje
• wobškodźenje nabožnych symbolow / prawicarstwo a projekty přećiwo prawicarstwu, w kotrychž so Domowina angažuje, kaž tež
• namjet nastupajo referat za serbske naležnosće w sakskim knježerstwje.

Přeprošamy Was po tutym puću wutrobnje na krótku nowinarsku rozmołwu z dr. Buttolom a Janom Nukom wo wuslědkach jeju informaciskeje rozmołwy a wuměnje měnjenjow. Wona wotměje so pjatk wot 11.40 hodź. hač do 12 hodź. w Serbskim domje w Budyšinje, stwa 106. Móžnosć fotografowanja wobsteji tež hižo w 10 hodź. w Serbskej kulturnej informaciji, hdźež wobhladaja sej hosćo skrótka tamnišu wustajeńcu.

Ministra přewodźa nawoda referata 15 nutřkowneho ministerstwa, Dieter Schrader. Ze stron Domowiny wobdźěla so nimo předsydy tež městopředsyda Domowiny Dr. Pětr Brězan, regionalna rěčnica dr. Hilža Elina a nowinska rěčnica B. Felberowa.

Přećelnje strowi Was

B. Felberowa