je tema 15 studentow germanistiki z uniwersity z Tartu, druheho najwjetšeho města Estniskeje, kotřiž wopytaja tutón tydźeń – 8. do 14. junija 2008 – Łužicu, zaběrajo so ze Serbami. Woni zaběraja so mj. dr. temami kaž presenca rěče w zjawnosći, připóznaće rěče mjeńšin přez wjetšinu, normowanje moderneje rěče, statna podpěra mjeńšiny a asimilacija. Za to wopytaja studenća wšelakore towarstwa a institucije. Wčera wopytachu woni Serbski muzej w Budyšinje a dźensa zhonichu Serbskim instituće wot direktora prof. Šołty a dalšich wědomostnicow wo dźěwałosći instituta, wo stawiznach, kultury a rěče Serbow.
Třo ze studentow přisłušeja narodnej mjeńšinje Rusow w Estniskeje a zaběraja so z napjatosćemi mjez mjeńšiny a wjetšiny. Dźensa popołdnju běchu woni z hosćom Domowiny, hdźež jim referent J. Łušćanski na wjele a zajimawe prašenja wotmołwješe.
W přichodnych dnjach wopytaja studenća Rěčny centrum WITAJ, Serbski gymnaziji a rozmołwja so z čłonami młodźinskeho towarstwa PAWK a z redakciju Serbskich Nowin. Srjedu podaja so studenća na ekskurziju do Lipska, hdźež wopytaja Institut za sorabistiku a štwórtk podaja so do serbskich wjeskow wokoło Chrósćicy.