Budyšin/Bautzen, dnja 21.04.2008

Na Tydźenju perspektiwow

Dźensa dopołdnja zahaji so w Budyskim Centeru Žitnych wikow „Tydźeń
perspektiwow“, na kotrymž předstaja wšelake zawody wukubłanske móžnosce.
Tež wučomnicy a wukubłarjo ze zarjada Domowiny, Rěčneho centruma Witaj a
Towaršnosće za wukubłanje a dalekubłanje we Wojerecach (GAF) su tam hač
do soboty ze zhromadnym stejišćom[1] zastupjeni.Woni informuja wo
powołanjomaj jako překupc za běrowowu komunikaciju a jako překupc za
turizm a wólny čas. Domowina poskići lětsa znowa wukubłanske městno za
powołanje běrowoweho překupca. Požadarjo měli mjez druhim serbšćinu jara
derje wobknježić. Tuchwilu su pola Domowiny a RCW třo młodostni we
wukubłanju a pola GAF wuknjetaj dwaj Serbaj.

[1] Stejišćo je zaměstnjene w přizemju blisko wuchoda na směr SLA.