Budyšin/Bautzen, dnja 02.04.2008

Přeprošenje na posedźenje zwjazkoweho předsydstwa

Přichodne posedźenje Zwjazkoweho předsydstwa Domowiny wotměje so srjedu, dnja 9. apryla, we 18 hodź. w hosćencu „K złotemu jehnju“ w Kulowje, Torhošćo 5.

Wažny dypk je wuhódnoćenje załožboweje rady z dnja 27. měrca, k čemuž porěča předsyda Domowiny Jan Nuk, předsydka załožboweje rady Załožby za serbski lud, Leńka Theurigowa, a direktor załožby Marko Suchy.

Na dnjowym porjedźe steja dale

• nachwilne přijimanje Towaršnosće za spěchowanje SLA do Domowiny,
• wočakowanja Domowiny na kandidatow k wokrjesnym wólbam w Sakskej dnja 8. junija a informacija k zdźěłanju namjeta za wustawki k spěchowanju serbskeje rěče a kultury w nowym wokrjesu Budyšin, kotruž poda čłon zwjazkoweho předsydstwa a župan Měrćin Škoda,
• přihoty na 14. hłownu wólbnu zhromadźiznu Domowiny (dnja 28.03.2009 w Chrósćicach) ze schwalenjom kluča delegatow a powołanjom wustawkoweho wuběrka kaž tež
• informacije
  - k stawej WITAJ-konferency za Hornju Łužicu,
  - k lětušemu wopomnjenskemu dnjej za wotbagrowane serbske wsy (dnja 14. junija za Gózd pola Grodka) a
  - přistup Domowiny k mjezynarodnej europskej folklornej organizaciji CIOFF.

Posedźenje je zjawne, zajimcy su wutrobnje witani.