Budyšin/Bautzen, dnja 17.03.2008

Prěnja wotmołwa dóšła

Po předstajenju Memoranda k dalšej eksistency serbskeho luda je zarjad Domowiny 39 listow z kompletnym tekstom a podpismami předsydy Domowiny Jana Nuka, nawodow serbskich institucijow a předsydow serbskich towarstwow na wulkopósłanstwa europskich krajow, Komisara za čłowječe prawa Europskeje rady a na Wysokeho komisara za narodne mjeńšiny pola OSZE z próstwu wo podpěru serbskich nalěznosćow pósłał.

Dźensa je prěnja wotmołwa dóšła. Portugalske wulkopósłanstwo je předsydźe Domowiny pisało, zo je memorandum dóstało a prezidentej parlamenta a ministerskemu prezidentej posrědkowało. „Za Wašu akciju přejemy Wam wjele wuspěcha“, pisa pósłanča Graça Mira Gomes Nukej.